четверг, 10 мая 2012 г.

Зэлік Пінхусовіч Карасік, Карасік малодшы - фатограф

Пляменнік З.Я.Карасіка – Зэлік Пінхусовіч Карасік таксама займаўся фотасправай. Увайшоў ён у гісторыю гродзенскай фатаграфіі як Карасік малодшы. Ён працаваў з 20 чэрвеня 1901 г., атэлье знаходзілася на вуліцы Саборнай (Савецкай) у доме Яффэ. У 1906 годзе Карасік малодшы быў узнагароджаны вялікім залатым медалём і ганаровым дыпломам на міжнароднай выставе ў Бруселі.

Адрас фотамайстэрні Зэльмана Карасіка - 1886 г.


Зельман Якаўлевіч Карасік - фатограф

Паспарту фотамайстэрні Зэльмана Карасіка
          Адным з самых вядомых фотамастакоў Гродна быў Зельман Якаўлевіч Карасік. Ён паходзіў з гомельскіх мяшчан Магілёўскай губерніі, да 1887 г. меў фотаатэлье ў Сакулцы.

Адрас фотамайстэрні Якава і Восіпа Салавейчыкаў - 1881 г.


среда, 9 мая 2012 г.

Якаў і Восіп Салавейчыкі - фатографы

У Гродна адкрывалі атэлье не толькі ўласна жыхары горада, але і людзі, якія па розных прычынах прыязджалі з іншых гарадоў. У 1881 г. з-за прычыны пажара ў Слоніме нясвіжскі мешачнін Якаў Салавейчык піша прашэнне на адкрыццё фотамайстэрні. "Бо пасля пажара, - як ён сам указвае, - фатаграфія не можа даставіць пражыццё майму сямейству, услед чаму я вымушаны пераехаць у Гродна". Меў ён майстэрні таксама ў Нясвіжы і ў Пружанах. У Гродна майстэрня месцілася па вул. Купецкай у доме Абрамскага. У 1882 г. Якаў Салавейчык падае прашэнне адчыніць фотаўстанову ў Пружанах, дзе у гэты час жыве.
У 1884 г. Я. Салавейчык памірае, а  яго справу працягвае сын – Восіп Салавейчык. Пасведчане яму выдана ў 1894 г.  Аднак яго фотамайстэрня ў Гродна была знішчана пажарам 1889 г. Тады В.Салавейчык просіць дазвол адчыніць майстэрню ў Беластоку, дзе ён стаў адным з найлепшых фатографаў. В.Салавейчык атрымаў узнагароды на міжнародных выставах і выдаў альбом “Widoki miasta Białegostoku”.

Адрас фотамайстэрні Хаіма Біньковіча і Язерскага-Квята - 1894 г.


Хаім Эльяш Біньковіч - фатограф

Паспарту фотамайстэрні Э.Бінковіча
         У Гродна нарадзіўся Хаім Эльяш Біньковіч, фатограф, які пазней жыў і працаваў у Брэсце, вучыўся ў фатографа Стамлера. Затым вярнузся ў Гродна летам 1894 г. разам з кампаньёнам Пейсахам Ежэрскім-Квятам адкрыў фотаўстанову па вул. Саборнай у доме Чэртка.